هل تسافر ,, كم الثمن؟؟

ف زمننا هذا وربما ف كل الأزمان لا يسع أحد هذا العالم ويشعر ف كل ركن فيه بالضيق

الكل يتمنى الهرب ,, البعض يستطيع أياً كانت الوسيلة ,, والبعض الآخر لا يقدر

عدم الرضا يكمن فى الذات وليس فى الظروف والمكان

فهذا ما هو إلا ستار نتخفى وراءه . . . . . . .

مال وتحقيق ذات وهوية جديدة وناس وأشكال جديدة وعيشة أفضل أى حد بيتمناها

لو حبيت تسافر … أى مكان تختار أمريكا أم أى دولة أوروبية ولا اليابان ؟؟

فعلا الدول دى متقدمة ومبهرة ,, الواحد لو سافر لها هيعمل اللى محدش عمله

بس تفتكر اللى عايشين هناك عنده أى نوع من الاستقرار ..

تخيل و إنت ف وطنك غريب ,, ولما تسافر هتلاقى نفسك !!

بص بلاش تضحك على نفسك ,, الغريب غريب عن نفسه ف أى مكان

أنا عارفة إنكم زهقتو منى ,, بس آخر حاجة خلاص بجد

هيبقى عندك فلوووس كتييييير , مكان نضيف, وممكن زوجة جديدة بكل المواصفات اللى عمرك ما كنت بتحلم بيها و……

حاجات كتييييييير أووى وعد بقى معاك ربنا والله

تفتكر أيه التمن ,,,, كل الحاجات دى كتييييييير وكلها مغرية وفرصة متتعوضش

لكن لحظة ف حضن أهلك ,, نظرة ابنك وزوجتك وأهلك ليك مش بالدنيا كلها

احساسك إنك مع اهلك يوم ما يحصلك أى حاجة تلاقى حد تجرى عليه ويقف جنبك

ومتقولش ليا يومين أكون نفسى و أشترى شقه وعربية

العيشة مش بالساهل ,, انت ايدك ف الميه البارده ,, لكن أنا اللى جوا النار

هى سنه ولا سنتيتن بالكتير وخلاص ,,هبقى عملت اللى عايزه ومش هسافر تانى

أحب أقولك إن اللى بيسافر عمره ما بيرجع ,,إلا مطرود بكل أسف

يمكن تكون خرجت بصعوبة مستحيلة,, لكن صدقنى علشان تفكر ترجع بس

هترجع بمستحيل الاستحالات ……. شوف هتضيع كام سنة وربما عمرك كله

بص انسى كل ده وخليك ف سفرك وجريك ورا الدنيا

بس ياريت تبقى تقولى كسبت كام ,, ومتزعلش منى ,, اللى ممكن تعمله بره .. صدقنى تقدر تعمله هنا

تفتكر مش تستحق لحظة تفكير منك ,, تقدم لها برقية شكر واعتذار

,, احنا راسميين صورة وهمية و احنا اللى بوظنا ودمرنا كل حاجه ف بلدنا

هناك مش أحسن من هنا ولا حاجة وعلشان نكون صرحا أكتر .. فهو أحسن

الصورة المرفقة

Leave a Reply